المهرجانات فن الناس الغلابة
مفيش حد يقدر ينكر ان الاغاني الشعبية الي بتآثر في الاوساط الشعبية تختلف عن الاغاني الي بتآثر في الاوساط التانية
وعشان كده كان من الظلم اننا نقارن فن المهرجانات بالاغاني الرومانسية او الكلاسيكية
عارف ان في ناس كتير شايفين ان الاغاني دي مش فن وانها تخبيط و مجرد كلام ناس بتتعاطى المخدرات ليل نهار على انغامها وبيرقصو بشكل هستيري بدون وعي
ولكن الحقيقة ان الاحياء الشعبية ليها لغتها وايقاعاتها الخاصة الي بتناسب شكل حياتهم السريع الموجع الي اكتره فيه لخبطه من كل نوع
يمكن من هنا نشآ المكس والدمج بين الايقاع الشرقي والار ان بي لان الحياة نفسها فيها خلط ودمج وتداخل وكلام سريع ومبهم كلو بيدور عن المخدرات والشهوه والعنف والفلوس .. الى اخره
لكن لو فضلنا نبص للمهرجانات من فوق مش هنقدر ننزل ليهم ونصلح ما يمكن اصلاحه من كلام وايقاعات ونخلي الكلام والمضمون يقدم رسالة تقلل حالة الاحتقان الي حاصلة في الاحياء الشعبية وتوجه الناس في اتجاه تاني غير العنف
حاسس ان معدل الجريمة هيقل لو فكرنا نصلح الكلام الي داخل ودان كل واحد ارتكب جريمة قبل ما يعملها لو سمع ولو كلمة تمنعه او تغير مسارو للاتجاه الصح
زي ما بتهتمو تقدمو فن راقي للطبقات الي هي راقية اصلا ومتعلمة كويس عشان تقل نسبة الجريمة عندهم وتنظف عقولهم عاملو الغلابة بالمثل وبعدين احكمو على اخلاق الغلابة وسواقين التوك توك والمكروباص وخلافه.
من انتم لولا البسطاء؟
Mohammed Shoiep 2017
No comments:
Post a Comment